Il fat al è sucedût tal ospedâl di Tisane, indulà che un om di 78 agns une vore alterât, ricoverât tal repart di Medisine, al à dât cuintri a dôs infermieris. Une e je stade strissinade pai cjavei e dopo pacade cul baston de flebo, intant che la sô coleghe rivade par judâle e je stade batude in muse.
Dome in graciis dai berlis e des domandis di jutori des dôs infermieris ai coleghis, a àn rivât a morestâ l’agressôr che intant al veve ancje fiscâ5t ducj i telefons dal repart.
Lis dôs infermieris a son stadis curadis tal Pront socors dal ospedâl. Il fat al è stât denunziât dai rapresentants dal sindicât Uil Fpl che a àn domandât la viertidure ae svelte di un presidi fis di polizie intal ospedâl di Tisane par tutelâ il personâl sanitari e i citadins. (a.d.g.) – 09.10.2025
