Adiu a une colone de musiche in regjon

Corot pal mont de musiche regjonâl: al è muart in maniere improvise ae etât di 66 agns, di gnot tra domenie e lunis inte sô cjase di Sant Lurinç dal Lusinç, Fulvio Coceani, un dai fondadôrs dal circul Controtempo. Gurizan, bancjari in pension, Coceani al è stât simpri un grant apassionât di musiche e di jazz in particolâr. Intal 1991 al veve organizât un conciert dal cuartet di Riccardo Tesi a Romans dal Lusinç, in colaborazion cun Renato Valentinuz dal circul locâl Acli. Di in chê volte, al è stât la vere colone puartante di Controtempo, la associazion cun sede a Cormons che di plui di 25 agns, cui siei festival e rassegnis, e puarte in Friûl Vignesie Julie il miôr dal jazz mondiâl. La notizie e à dismovût incredulitât no dome tra parincj e amîs, ma ancje intal mont dal jazz e de musiche in gjenar. (A.I.) – 19.07.2022