Acusât di violence sessuâl l’om fermât te autostazion di Tumieç

Al varà di rispuindi di violence sessuâl il cjargnel di 65 agns che, al principi di Avost, al è stât fermât de Polizie Locâl de Comunitât di mont de Cjargne te autostazion di Tumieç par vê secjât e palpignât divierses feminis.
I agjents, intervignûts daurman dopo la clamade dal cjâf servizi de autostazion, a àn fermât e identificât l’om che, cjoc, al jere sentât za suntun autobus in partence. Intant lis vitimis si jerin slontanadis cence podê jessi dal dut  identificais e e je stade necessarie une lungje investigazion, partint de analisi des imagjins di videocontrol. (ADG) – 14.09.2022