A vierzin lis scuelis e a ripartissin i controi antidroghe

Cheste matine la Cuesture di Pordenon e à inmaneât controi pal contrast al spaç di droghe, soredut dongje des scuelis e ae stazion des corieris. In cjamp patuliis de Squadra Volante e de Polizie Locâl dal Comun di Pordenon, cul jutori di dôs unitât cinofilis antidoghe des Poliziis Locâls di Cjaurlis e Sant Michêl al Tiliment.
Inte autostazion, in graciis dal nâs dai cjans, a son stâts individuâts doi sacuts di cjarte; il prin al contignive 0,6 grams di hashish, chel altri al presentave vanzums di eroine.
Doi fantats, un al è minôr, a son stâts segnalâts al Prefet di Pordenon par detenzion di droghe par ûs personâl, dopo jessi stâts cjatâts in possès di doi spinei. (A.D.G.) – 12.09.2022