A vadin indenant lis ricercjis de femine e i siei doi fiis sparîts a Tarcint

No si fermin lis ricercjis de femine di 49 agns e dai siei fiis di 16 e 14 agns che di lôr no si sa plui nuie dai 20 di Avrîl passât.

A son in svol elicotars e dronis su la mont parsore Tarcint, indulà che al è stât metût su il cjamp base. Tal paîs e jere stade cjatade vueide la auto doprade par rivâ di Piacenza, par fa une vacance di pôc timp in Friûl. Intes operazions a son impleadis passe cent personis tra Vigjii dal Fûc, Carabinîrs, Vuardie di finance, Cuarp forestâl regjonâl, Socors alpin e volontaris de Protezion civîl, in vore ancje tai boscs e intai cjamps dut ator.

Par cumò nissune olme, ma i Carabinîrs a stan controlant ancje ciertis segnalazions rivadis dal Friûl, e dal Cjars. (a.d.g.) – 08.05.2026