60
Daspò agns di spiete il Parc Antonini Maseri al sarà metût a puest, in graciis dal proviodiment dal Comun di Udin che ai 20 di Avrîl al à afidât i lavôrs che e permetaran di tornâ a vierzi il parc.
Si trate din un intervent inte aree clamade “il zardin improibît” che al spietave di une vore di timp, dongje dal palaç dal Palladio, che tal passat al jere stât doprât de Bancje di Italie e che dal 2018 al da acet al retorât de Universitât dal Friûl.
La operazion e fâs part dal acuardi firmât tal Avrîl dal 2024 tra il Comun e l’Ateneu che al è proprietari de aree, che e à dât in comodât a gratis il zardin. (a.d.g.) – 23.04.2026
