A pro de Palestine, il comitât al domande di no zuiâ la partide Italie – Israêl a Udin

Il Comitât a pro de Palestine di Udin al à domandât che la partide di balon Italie – Israêl dai 14 di Otubar no sedi zuiade. Intun document mandât fûr vuê il Comitât al à dit che no si pues ricevi la propueste di fâ la partide ma di mandâ i bêçs tirâts su cui biliets a Gaza e al à visât che ai 14 di Otubar al sarà inmaneât un corteu che di place della Repubblica al larà bande place I Maggio.

Chei dal Comitât a àn ancje visât che a continuaran a fevelâ de situazion a Gaza ai citadins e si son apelâts ai tifôs de Udinese parcè che no vadin a viodi la partide e aes associazions sportivis parcè che a sostegnin l’anulament de gare e che la scuadre di Israêl e sedi parade fûr di Fifa e Uefa. (a.d.g.) – 02.10.2025