52
Un om di 76 agns, resident in vie XXX Ottobre a Puçui, al è restât intosseât cheste matine dopo che un fûc che si è disvilupât inte sô abitazion.
L’anzian, che al vîf di bessôl, al è stât cjatât dai socoridôrs fat sù, cuntun façolet imbombît di aghe a protezion de muse, inte stanzie di jet plene di fum. Puartât fûr, al è stât curât prime di jessi puartât in ospedâl. Ancje se intosseât, nol sarès in pericul di vite. Salvât ancje il so cjan.
Lis causis dal fûc a son ancjemò in fase di aciertament. La abitazion e je stade declarade inagjibile. Sul puest a son intervignûts i pompîrs, cui sanitaris e il personâl de polizie locâl. (a.d.g.) – 20.11.2023
