A fûc abitazions a Udin e a Tarcint

da Alessandro Di Giusto

Doi fûcs in abitazion si son impiâts îr a Tarcint e a Udin. Di gnot, a Passons di Udin, dute une famee e je stade metude in salf dopo che lis boris, ladis fûr in maniere acidentâl dal cjaminet, a vevin impiât materiâl combustibil che si cjatave intai contors. Fum e flamis a àn fat deventà no respirabil l’aiar in cjase. Intant che il pari al è lât fûr doprant la gorne, mari e fie a àn scugnût spietâ in terace, tal prin plan, la rivade de autoscjale dai Pompîrs par metisi in salf.

Aes 8 sore sere, par vie dal malfunzionament di une stue catalitiche alimentade di une bombule a gas, e je stade une esplosion a Cuel Rumiz che e à provocât la roture di puartis e di barcons. Salf il proprietari de cjase, un om di 58 agns, che al veve provât di studâ il fugaron. (a.d.g.) – 30.11.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui