A Duìn improibîts i fûcs al viert fin a fin Avost.

Dopo l’enesim fugaron sclopât sul teritori comunâl, il sindic di Duìn Nabresine  îr al à firmât une ordenance che e improibìs i fûcs al viert fin a fin Avost pal pericul tant alt di gnûfs fûcs.

La improibizion – al conte il prin citadin Igor Gabrovec – e rivuarde l’impiament di fûcs; l’ûs di aparâts a flame libare, fugheris, fornei; fâ sclopâ prodots pirotecnics e duncje fûcs di artifici; butâ fulminants piâts e spagnolets no studadis; doprâ aparâts che a produsin faliscjis in presince di vegjetazion inflamabile; doprâ, sclopâ e fâ slusicâ minis; fâ cualsisedi operazion che e puedi creâ pericul imediât o mediât di fûcs. (A.D.G.) – 13.08.2022