A son tornadis a tacâ cheste matine lis ricercjis di un om di 81 agns di Tumieç che, dopo jessi lât fûr di cjase in auto, nol è tornât indaûr.
L’alarme dai parincj al à fat tacâ lis operazions di ricercje tor des cinc e mieze dal dopomisdì. La sô machine, intal dopomisdì sul tart di îr, e je stade cjatade dai Carabinîrs in localitât Avons, a pocje distance dal puint, intun lûc contornât dal bosc.
Lis Vuardiis dal fûc dal comant di Udin a àn metût sù, inte zone, il puest di comant cul mieç Ucl – Unitât Comant Locâl – che al è daûr a coordenâ lis scuadres sul cjamp: personâl specializât dai pompîrs, il Socors Alpin, la Vuardie di Finance e i Carabinîrs; impegnadis ancje unitâts cinofilis e un cjan molecolâr dal Socors alpin rivât di Vitori Venit. (ADG) – 6.10.2022
