A son tacadis lis misuris cautelârs par une famee al tiermin di une vicende complesse tra Italie e Slovenie, che su chê e à indagât la Squadra Mobile di Udin ae fin dal an passât.
Lis investigazions a jerin partidis dopo che trê furlans, residents fûr Udin – un om di 51 agns, il fi di 33 agns e la sô femine, di 29 agns – a vevin organizât un imbroi, rivant a puartâ vie a un citadin sloven un milion di euros.
Ai trê, però, a vevin robât pôc dopo e a vevin incolpât un altri citadin sloven. Cussì, intant che i agjents a indagavin sul prin razîr par robarie ingriviade, a àn scuviert une lungje serie di reâts, simpri a caric de trie, che e va dal secuestri di persone aes lesions e aes menacis, ai dams di chel altri sloven, un om di 39 agns, che al varès lôr puartât vie i bêçs. (ADG) – 15.09.2022
