I volontaris de scuadre comunâl de Protezion civîl di Pagnà e la Protezion civîl dal F-Vj a son in corot pe pierdite di Tito Di Luch, 79 agns, di Çampis di Pagnà, muart dopo une malatie curte.
Al jere stât par cuindis agns cjâf di scuadre de Protezion civîl dal Comun di Pagnà par dopo continuâ a lavorâ intal grup. I coleghis lu visin tant che persone di grande gjenerositât e disponibilitât, bon di trasmeti i valôrs che a animin i volontaris. Al veve dât il so contribût in tantis situazions di emergjence, in Friûl-Vignesie Julie e fûr regjon, ancje dilunc dal taramot che al à colpît L’Aquila.
I funerâi a saran celebrâts doman, sabide ai 11 di Fevrâr aes 3 dopomisdì, inte parochiâl di S. Zorç Martar a Pagnà. Cheste sere, aes 6, inte gleseute di Çampis di Pagnà, al sarà dite il rosari a sufragji. (A.D.G.) – 10.02.2023
