Vile di Buie e met i fornasîrs in vetrine

A Vile di Buie, fornâs e fornasîrs in vetrine: fotos che a ricuardin une sapience antighe, chê dal “fâ modon”, che cu la emigrazion furlane si è sparniçade ator pe Europe e pal mont cul lavôr di fruts, feminis e oms: artesanât e industrie, imprescj e machinis, fors e fûcs, planelis, cops, modons. La Associazion Culturâl El Tomât APS, in graciis de disponibilitât e de colaborazion dai gjestôrs e dai proprietaris, e à inmaneât la mostre “Buie tiere di fornâs e di fornasîrs”, cun fotografiis storichis e tematichis intai ‘vueits’ des vetrinis tes stradis di Vile, pe “Madone de Salût”. (A.I.) – 24.11.2022