139
La Zonte di Cividât e à acetât la donazion, de bande dal circul culturâl Il Faro di Reane, di une sculture realizade in ocasion de vincjesime cuinte edizion dal Simposi internazionâl di sculture su pieris dal Friûl-Vignesie Julie, inmaneât a Vergnà di Reane dal Roiâl. La opare si intitule “Mama de Dolores”, e je stade fate dal artist toscan Alessandro Marzetti e e à tocjât ducj pe ricjece di significâts. La sculture e podarès jessi logade in place Domo, dongje de jentrade di Palazzo de Nordis, par rapresentâ il teme de lote cuintri dutis lis violencis: un progjet za al studi de aministrazion dal 2021. (A.I.) – 01.03.2023
