Passe 900 scjatis didatichis, plui di 250 scuelis che si son zontadis, premis par 39 classis vincidoris. A son i numars de decime prime edizion di “Città Fiera premia la tua Classe” che si è sierade miercus ai 21 di Mai ae presince dal fondadôr di Città Fiera Antonio Maria Bardelli, de assessore ae Culture e Istruzion dal Comun di Martignà Valentina Bordet, dal diretôr de Fondazione Agrifood&Bioeconomy Pierpaolo Rovere, dal president de Arlef Eros Cisilino e dal delegât ae didatiche pe Universitât dal Friûl Agostino Dovier.
Cheste iniziative e je nassude dopo des domandis di jutori de bande des scuelis e, in undis edizions, e à regalât doi milions di euros di materiâl didatic cjapant dentri passe 200 mil students.
Rinovade pal secont an ancje la colaborazion cu la Fondazione Agrifood&Bioeconomy FVG, proprietarie de marche “Io sono Fvg”, nassude par dâ valôr aes aziendis e ai prodots dal teritori.
Il valôr sociâl di “Città Fiera premia la tua Classe” al è ancje stât ricognossût di une vore di istituzions che ogni an a confermin il patrocini. Tra chestis, di agns, e à cjapât cuarp ancje la colaborazion cu la Arlef che e bandìs un Premi speciâl in lenghe furlane e e premie dutis lis classis che a partecipin cun donazions di materiâl e publicazions par furlan. (a.d.g.) – 23.05.2025
