L’apicultôr gurizan Stefano Treffer al à otignût une gote di aur al concors nazionâl “Tre Gocce d’oro – Grandi Mieli d’Italia” che al selezione lis miôr mîls e al è organizât ogni an dal 1981 dal dall’Osservatorio Nazionale Miele, che i partecipin plui di 450 apicultôrs cun 1.100 mîls par edizion.
Treffer al à contât la sô storie particolâr dilunc dal incuintri cul sindic di Gurize Rodolfo Ziberna: “Di laureât magjistrâl in economie e marketing responsabil intune aziende triestine – al à sclarît l’apicultôr – o ai decidût in periodi covid, intal 2021, di dimetimi e inviâ un gno progjet imprenditoriâl creant dal nuie une aziende de apiculture. Intal 2022 a rivin lis primis sodisfazions cuntune buine racuelte des classichis mîls gurizanis: agacie, millefiori, tei e cjastinâr, calcolâts tra i miôr sul teritori nazionâl”.
Propit cul millefiori racuelt in zone Lucinîs e in Groina Treffer al à decidût di partecipâ al concors, dopo premiade dai judiçs, segnâl che la mîl e je risultâde tra lis miôr in Italie. (A.D.G.) – 11.01.2023
