Un toc di vele de Vespucci regalade al Scriptorium Foroiuliense di S. Denêl

Un toc di vele (di chês dopradis par fâ il zîr dal mont) de Amerigo Vespucci e je stade regalade ae Fondazion Scriptorium Foroiuliense di S. Denêl dilunc di une cerimonie parsore de nâf li che a jerin presints il so comandant Giuseppe Lai e il president de fondazion Roberto Giurano.

Giurano al à consegnât al comandant une copie dal “Codiç sul svol di Leonardo Da Vinci” che al fâs part di une schirie limitade di dîs copiis, visant che “chest piçul libri al rapresente tal mont l’inzen talian e par conservâlu nol è puest miôr de Amerigo Vespucci”. (a.d.g.) – 06.03.2025