Un tesaur di invistî par Claut

A disposizion de Aministrazion comunâl di Claut a saran a disposizion passe 9 milions di euros che a permetaran di fâ une vore di lavôrs. Tra chei, metude in sigurece des stradis, viabilitât e ricualificazion urbanistiche e pal turisim. Intai prossims trê agns a son chescj i obietîfs dal Comun che al à aprovât une schirie di oparis publichis par un totâl di nûf milions.

Come che al à visât Gionata Sturam, sindic di Claut, “Cumò o vin i bêçs e al covente meti in vore lis oportunitâts che o vin cun chest plan di invistiments”. Plui di siet milions a saran spindûts dilunc dal 2025. Plui o mancul un milion al sarà doprât pe metude in sigurece idrogjeologjiche de Val Setemane. (a.d.g.) – 11.02.2025