Un parc di marionetis par Giulia e i fruts di Ruvignans

Joibe ai 10, aes 6 di dopomisdì tal parc di Ruvignans di Cividât, si fasarà un spetacul speciâl par fruts, frutis e fameis cu lis marionetis di Vittorio Podrecca. Un omaç ae art e al gjeni cividin, che cu la sô compagnie “I Piccoli” al fo innomenât ator par dut il Mont. Prime dal spetacul, aes 5.30 di dopomisdì, il parc al sarà titulât “a Giulia e ai fruts e aes frutis di Ruvignans”.”I Piccoli di Podrecca on the road! è je une produzion dal Teatro Stabil dal F-Vj cu la poie de Regjon, che si fâs dentri di un furgon furnît tant che un antîc “Carro di Tespi”, il palc des compagniis di une volte che a ziravin di une place a chê altre cui lôr spetacui, mudant i cjars in palcs. (A.I.) – 08.07.2025