Riduzion imediade dai consums energjetics, soredut chei dai implants di iluminazion publiche. La Zonte comunâl di Tumieç, inte ultime sentade, e à varât une diretive cuntune schirie di azions par contignî l’aument dai coscj de energjie eletriche regjistrât intal ultin periodi, aument che, se lât dilunc, al podares impatâ in maniere negative sul belanç.
Al è stât decidût il distudament alternât dai ponts lûs su dut il teritori comunâl: a restaran, duncje, impiâts un ferâl sì e un no. Cun di plui, intes areis là che al è presint un numar di lampadis ecessîf a pet des esigjencis efetivis, diviersis a saran studadis. Garantide, par resons di sigurece, la iluminazion inte aree interne ae stazion des autocorieris e chê des intersezions o tocs di viabilitât caraterizâts di pericui particolârs. (ADG) – 26.09.2022
