Telecjamaris ativis pe Ztl di Udin tacant de metât di Avrîl

De metât di Avrîl a saran operativis lis telecjamaris de Ztl tal centri di Udin. Il Comun al à finît la instalazion dai sistemis di control des targhis in sîs passaçs citadins, cu l’obietîf di regolâ la jentrade e ridusi il trafic intes zonis plui sensibilis de citât.

Tai prins trê mês lis telecjamaris a serviran dome par informâ chei che a son jentrâts cence autorizazion, che ur sarà mandât un avîs ma cence multe che invezit a rivaran tacant dal prossim Lui.

Chest periodi di tolerance al è stât pensât par permeti ai citadins di abituâsi aes gnovis regulis e par controlâ che a vedin la autorizazion. (a.d.g.) – 03.02.2026