Promovi il dialic, la riflession e la difusion ator de rigjenerazion urbane, il turisim lent e la citadinance ative intune regjon di confin tal cûr de Europe, segnade dal percors de ciclovie Alpe Adria, la strade ciclistiche di 400 chilometris che e tache di Salzburg, in Austrie, par rivâ fint a Grau daspò di vê passât dut il Friûl-Vignesie Julie. Chest al è l’obietîf da schirie di incuintris cul titul “La ciclovie Alpe Adria: une rigjenerazion di 400 chilometris”, inmaneade dal Istitût “I. Bachmann” di Tarvis e dal ReGeneration Hub Friuli, la associazion che e promôf il festival “NanoValbruna”, il forum internazionâl de rigjenerazion pai zovins. Dai 17 al 20 di Març, Tarvis al ospitarà esperts di rigjenerazion urbane, aministradôrs locâi e imprenditôrs par une riflession di cuatri dîs cun zovins, citadins e istituzions ator des disfidis di vuê e di doman da rigjenerazion urbane e de citadinance ative. Si fevelarà ancje cemût fâ imprese intun teritori di mont e di confin e cemût capitalizâ lis vocazions dal teritori intune maniere sostignibil e rigjenerative. L’obietîf al è chel di mudâ i confins in oportunitâts, di creâ inovazions e di planificâ lis disfidis di doman. (A.I.) – 16.03.2026
Foto di A. Durigatto
