Tarcint, la capital de armoniche

A vegnin de Ucraine, dal Montenegro e dal Perù i musiciscj ospits di “Uniti dalla Fisarmonica”, il festival internazionâl di musiche che al è rivât ae diesime edizion, inmaneât dal grup di armoniciscj di Tarcint, diret di Massimo Pividori. Sabide ai 22, la fieste di Sante Cecilie, patrone de musiche e dai musiciscj, i musiciscj virtuôs presentâts dal musicolic Alessio Screm a sunaran inte Sale “Margherita” di Vie Marinelli: l’ucrain Mykhailo Sheiko, il montenegrin Joko Mićkovinion, il violinist dal Perù Daniel Chiyan Leon Alvarado, za premiât plui voltis, ancje se une vore zovin. La serade e previôt une grande varietât tal repertori musicâl, de musiche folk ae musiche dal Mont, dai rangjaments di grancj lavôrs classics fint ae musiche contemporanie, alimentant il spirt di condivision e amicizie. Sul palc ancje il grup musicâl “Flocco Fiori” de associazion di Tarcint, une orchestre vuidade dal compositôr Massimo Pividori, diretôr artistic dal event, e creade in onôr dal grant sunadôr furlan di armoniche Belfiore Flocco. (A.I.) – 20.11.2025