Simpri mancul pompîrs in regjon

“In chest periodi tancj fûcs intai boscs de ex provincie di Udin e sul Cjars gurizan-triestin a metin sot pression i pompîrs dal Friûl Vignesie Julie che però a àn simpri mancul oms”. Al è l’alarme dal Conapo, un dai sindicâts dai pompîrs. “L’apel a politiche e aministrazion pe carence di personâl al è stât ignorât e cumò ducj nô o patìn lis consecuencis”, al è il coment dal segretari Conapo Fvg, Damjan Nacini. “In Friûl Vignesie Julie a mancjin plui o mancul 200 personis, secont plantis organichis aromai vecjis. Se a chest dât o zontìn la mancjance di risorsis ancje in convenzion pe lote ai fûcs boschîfs, la situazion di cumò e pues dome ce definîsi catastrofiche”. (A.D.G.) – 01.07.2022