Seradis di leterature e di sience a Tisane

“Riflettori sul Nord-Est” (Rifletôrs sul Nordest), la rassegne culturâl di confin che e je rivade ae otave edizion, inmaneade dal assessorât ae culture dal Comun di Tisane adun cu la Biblioteche Civiche, nassude te suaze dal Premi Leterari Internazionâl “Latisana per il Nordest”, chest an al è daûr a dopleâ la sô propueste. Dôs sezions – une dedicade ae leterature e une ae sience – tirant dentri simpri di plui i students des scuelis secondariis. Il prin event al è n program vinars ai 27 te sale conferencis de ex stazion ecuestri, cun Cristina Noacco che e presentarà il so libri “Acque vive. La via dei fiumi in Friuli Venezia Giulia” (Aghis viventis. La strade dai flums in Friûl-Vignesie Julie). Il festival al va indevant ai 6 di Març cun Andrea Maggi, intant che la sezion de sience e scomence za ai 3, cun ancje ufrint cualchi spetacul teatrâl. (A.I.) – 26.02.2026