Sedis gnûfs mestris mosaiciscj a Spilimberc

Cuntune cerimonie uficiâl a son stâts ricognossûts sedis gnûfs Mosaiciscj Mestris che, concludûts i esams cun otims risultâts, a àn rivât al travuart. Obietîf che al someave distant cuant che a son jentrâts inte Scuele Mosaiciscj dal Friûl, acetant di vignî in Friûl ancje di Paîs lontans par imparâ une art antighe e inmagante che, la plui part, e saveve pôc. Sabide ai 25 di Jugn la consegne dai atestâts di cualifiche professionâl, inte Sale consiliâr dal Comun di Spilimberc, ai zovins mestris che a puedin afermâ di savê ce che al è il mosaic, no dome parcè che a cognossin lis tecnichis, ma parcè che e a àn capît la sô bielece profonde. (A.D.G.) – 25.06.2022