La gnove sede de Stazion di pueste, Il centri servizis promovût dal Comun di Udin tant che ent gjestôr dal Servizi sociâl dai Comuns dal Friûl centrâl, e je stade screade vuê di matine. La struture e sarà dedicade al acet, al orientament e al acompagnament di personis che a sedin in cundizions di vulnerabilitât sociâl.
Ae cerimonie a àn partecipât rapresentants des istituzions talianis, regjonâls e locâls, dal sisteme sanitari e dal teritori, a testemoneance de rêt fuarte di colaborazion che al ten su il progjet.
La sede gnove e je stade fate inte aree indulà che al jere il vecjo comant dai Vigjii dal fûc e e je il risultât di un intervent impuartant di recupar e cualificazion di un imobil che al jere bandonat di agns. Cheste opare e je stade fate in graciis di un invistiment di 1,1 milions di euros, finanziât par 910 mil euros dai fonts dal Pnrr e par 190 mil euros dal Comun. (a.d.g.) – 25.06.2026
