I fruts che a rivin in ospedâl par une visite a varan cumò a disposizion une aree zûcs dute par lôr par divertîsi prime che il miedi ju visiti: Unicredit e à donât di fat a ABIO Udin i furniments pai fruts che a spietin la visite pediatriche inte sale di spiete dai ambulatoris pediatrics, logâts al plan tiere dal paveon Petracco dal Ospedâl Sante Marie de Misericordie.
ABIO e à organizât la sale di spiete de Cliniche Pediatriche par fâle a misure perfete di une vere e proprie aree zûcs: e ricostruìs un ambient di cjase cuntune piçule cjasute di len furnide di taulins, cjadreis e divanuts a dimension di frut e une librarie dulà meti vie libris e zûcs. Il valôr dal materiâl di furniment donât al è di plui o mancul 10.000 euros. (a.d.g.) – 24.01.2024
