Sabide ai 18, zornade di sconts intes buteghis di Tarvis

A saran 18 lis aziendis di Tarvis (e une di Mueç) a ufrî sconts fin al 80% in ocasion dal ‘Sbaracco’ inmaneât sabide ai 18 inte localitât di mont. La iniziative e je di Confcommercio Federmoda provinciâl e e va daûr dal apontament precedent dai 25 di Fevrâr. “O vin vût miôr posticipâ di cualchi setemane la iniziative a Tarvis par cuistions climatichis – al spieghe il vicepresident dal mandament Mauro Cestaro, membri dai conseis provinciâi di Confcommercio e di Federmoda –. O contìn suntune buine afluence di clientele, tignût cont dal fat che lis nestris impresis a vierzaran i magazens e a proponaran articui di no pierdi, cetancj di chei di grandis marchis, cun sconts di impuartance straordenarie”. (A.I.) – 15.03.2023