Ricognossiment pal grant lavôr a pro des personis fragjilis

Katia Mignogna, presidente di Arte e Libro Ets di Udin e je stade nomenade dal president de Republiche Sergio Mattarella Cavalîr dal Ordin al merit de Republiche taliane. Il ricognossiment al è stât consegnât vuê dal Prefet di Udin Domenico Lione inte sale di rapresentance de prefeture in place I Maggio dilunc di une cerimonie.

Il ricognossiment al è stât dât a Mignogna, buine di meti sù i progjets “Fuorionda Vacanza Accessibile” e “Divergente Gourmet” pal so impegn sociâl e pal fat che e lavore di plui di trente agns a pro des personis fragjilis. (a.d.g.) – 03.11.2025