Consecuencis de Pandemie di Covid 19 e inciertecis economichis: a son lis causis che a sclarissin parcè che, in a pene siet agns, a son triplicadis lis domandis di aiût ae Crôs Rosse di Pordenon. Cuant che intal 2016 al è rivât il president Giovanni Antonaglia, la CRI e veve in gjestion 70 nuclis. Vuê invezit a son plui di 200 lis fameis che a àn bisugne di assistence. “La lôr composizion e varie tant – al sclarìs Antonaglia –. Ma ce che o scuen sotlineâ al è che a son plui di 200 minôrs. Al principi dal gno prin mandât, lis fameis che o judavin a jerin plui o mancul 70, cumò o sin rivâts a 203. A son ancje altris struturis- al à conclût il president de CRI – che si interessin di altris nuclis. O ai pôre che cheste tindince no si fermarà”. (A.D.G.) – 08.05.2023
Puaretât, triplicadis lis fameis judadis de Crôs Rosse
245
