Presentâts i comandants dai carabinîrs in provincie di Udin

Incuintri vuê, te sede dal Comant provinciâl dai carabinîrs di Udin, cui comandants des compagniis sparniçadis sul teritori, che a son impegnadis par dâ plui sigurece, come che al è dimostrât ancje des tantis operazions fatis intai ultins mês.

E je stade la ocasion buine par presentâ ai gjornaliscj, ae presince dal colonel Giorgio Broccone, ae vuide dal Comant di Udin, il gnûf comandant dal Repart operatîf, il tenent colonel Ivano Bigica, e chel de Compagnie di Cividât, il cjapitani Valter Crugliano.

A jerin presints ancje i comandants des Compagniis di Tumieç, cjapitani Franco Grasso, di Tisane, cjapitani Mauro Marati, di Palme, maiôr Danilo Feliziani e di Tarvis, maiôr Enrico Pozzone. (a.d.g.) – 04.02.2026