Al sarà il cjantant liric Andrea Bocelli, ai 7 di Mai a Glemone a memoreâ lis vitimis dal taramot cuntun conciert a gratis te suaze des celebrazions pai 50 agns dal taramot dal Friûl, promovudis de Regjon Friûl Vignesie Julie.
Ai 6 di Mai e sarà une sentade solen dal Consei regjonâl simpri a Glemone e prime ancjemò la messe celebrade dal cardinâl Matteo Zuppi.
Chescj trê events a saran il cûr dal program ““Storia di una rinascita. Il Friuli Venezia Giulia a 50 anni dal terremoto”, che al è stât presentât vuê tal auditorium de biblioteche de Universitât dal Friûl a Udin, ae presince dal president Massimiliano Fedriga, dai assessôrs regjonâi Riccardo Riccardi, Cristina Amirante e Barbara Zilli, dal president dal Consei regjonâl Mauro Bordin, dal retôr Angelo Montanari e di Roberto Revelant, president de Associazione Comuni del Terremoto. (a.d.g) – 09.02.2026
