Presentade a Gurize la edizion speciâl di ‘Gusti di frontiera’ te suaze des iniziativis di Go!2025. A saran plui di 400 i stand previodûts, il numar plui alt di simpri, dividûts in 17 borcs che a rapresentaran plui o mancul 50 Paîs di dut il Mont. Chest an in place Transalpina al sarà ancje il spazi gnûf ‘Gusti senza frontiere’.
Pe vincjesime edizion de manifestazion, a Gurize a àn fat lis robis in grant, cuntun program dai 25 ai 28 di Setembar plen di colôrs e profums, cuntun omaç par fuarce ae capitâl europeane de culture, propit in place Transalpina. Nol jere un câs se adun cul sindic di Gurize, Rodolfo Ziberna, a presentâ l’apontament al jere chest an ancje il so coleghe di Nova Gorica Samo Turel e la diretore dal Gect Romina Kocina.
“Chest an plui di mai – al à visât il sindic Ziberna – ‘Gusti di frontiera’ al è un dai apontaments plui impuartants dal program di Go!2025 e pe prime volte al sarà un spazi ancje su la place che une volte e jere dividude tra lis dôs citâts, deventade simbul di union e di condivision”. (a.d.g.) – 31.07.2025
