Vuê a son stadis consegnadis a Ahmed, il zovin egjizian di 17 agns che al à salvât un turist che al jere in dificoltât e a risi di inneament tal lât dai Trê Comuns ai 15 di Jugn passât, une pergamene e une medaie par ingraciâlu dal gjest altruist.
Il zovin al jere in compagnie di altris coetanis ospits de Casa dell’Immacolata cuant che al à sintût domandâ jutori e nol à pensât sore dôs voltis. Si è daurman butât in aghe e al à nadât fintremai indulà che il turist forest si jere ribaltât cu la sô canoe, tirant l’om fintremai su la rive par dopo jessi judât dai altris zovins presints.
Ahmed, che si jere ingropât, al à ricevût un batiman lunc de bande di ducj i presints dopo che il diretôr de Casa dell’Immacolata al à let lis motivazions scritis sul atestât: “Al à dât un esempli di spirt altruistic e di mancjance di pôre dal pericul, metint a risi la sô stesse incolumitât”. (a.d.g.) – 02.07.2025
