Premi prestigjôs a ricercjadore furlane

Stella Plazzotta, ricercjadore di Siencis e tecnologjiis alimentârs de Universitât di Udin, e à vût il premi di ricercje in memorie dal professôr Roberto Massini istituît de Fondazion Roberto Massini-Ets, in colaborazion cu la Societât taliane des tecnologjiis alimentârs.

Origjinarie di Çurçuvint, Plazzotta e je stade premiade ae Universitât di Parma, dulà che Massini, dopo vê lavorât intal Ateneu furlan, al jere ordenari di Siencis e tecnologjiis alimentârs. Il ricognossiment al è nassût par premiâ i zovins ricercjadôrs che si distinguin intes ativitâts di ricercje e di trasferiment tecnologjic intai procès di formulazion, trasformazion e conservazion dai aliments. (ADG) – 9.11.2022