Plui di cent fruts di Monfalcon sul palc

Si siere miercus ai 31 la edizion 2023 dal progjet storic “Musica Arte Teatro + Scienza” curât de atore Luisa Vermiglio e inmaneât dal Ente Regionale Teatrale. Daûr de tradizion, ae fin dal an scolastic il progjet al rive sul palc dal Teatri comunâl di Monfalcon, che aes 5.30 dal dopomisdì al darà acet a passe 130 frutis e fruts de scuele primarie Duca d’Aosta, che a metaran in sene il spetacul “Sento, penso, ricordo”: la conte corâl dal lôr viaç ae scuvierte dal cerviel. (A.I.) – 30.05.2023