Par salvâ la scuele de infanzie di Morâr, a risi di jessi sierade parcè che a son pôcs frutins, 350 citadins a àn firmât une petizion che e je stade puartade dai gjenitôrs al president dal Consei regjonâl Mauro Bordin.
“L’asîl e lis struturis dal ples scolastic – a àn sotlineât i gjenitôrs – a son pe nestre comunitât il cûr dal paîs. Pal prossim an scolastic, lis iscrizions a son rivadis a cuote vot frutins, distribuîts in trê classis, ma nus àn comunicât che e sarà sierade. Se la nestre scuele e ves di sierâ, e sarès une pierdite grâf sot cetancj ponts di viste”.
Bordin al à definît il câs une vore complès, e al à visat che la petizion e sarà mandade ae VI Comission consiliâr: “Il teme dal dimensionament scolastic – al à dit Bordin – al domande une analisi che, plui tal gjenerâl, e tegni di cont dai diviers aspiets che a son in zuc”. (a.d.g.) – 03.07.2026
