A son 728 lis scuelis dal Friûl Vignesie Julie za colegadis ae bande ultra largje in graciis dal Plan Scuelis Fvg, il progjet promovût de Regjon e realizât de aziende Insiel, che al sta puartant la fibre otiche intai istitûts scolastic dal teritori.
Cun passe l’80% des scuelis za colegadis, il plan al jentre cumò inte so part finâl: a restin plui o mancul 150 scuelis di zontâ ae bande largje. Par chest si sta fevelant cul Ministeri des Impresis e dal Made in Italy par decidi il percors operatîf che al covente par completâ i intervents.
I cetancj comuns la rêt e je za disponibil e lis ativazions dal servizi a saran inviadis tai prossims mês. Tai teritoris di Gurize e Triest al coventarà invezit finî i lavôrs de infrastruture di rêt prime di podê inviâ i colegaments. (a.d.g.) – 31.08.2026
