Omaç a Enzo Barazza, il prin sindic elet dai udinês

In gracie de colaborazion dal assessorât Culture dal Comun di Udin e la Associazion Mazziniane Taliane – Sezion furlane “Luciano Bolis”, il joibe ai 3 aes 6 di dopomisdì te sale “Tito Maniacco” de Biblioteche, al sarà memoreât cun intervents istituzionâi e musicâi Enzo Barazza, storic soci de Associazion Mazziniane e il prin sindic di Udin elet dret dai citadins, che al è muart masse adore ai 24 di Avost dal 2024, a 71 agns. Nassût a Udin tal 1953, avocat, insegnant in diviersis scuelis di Udin e iscrit al Partît Republican, al fo sindic di Udin dal 1995 al 1997. In dome doi agns al rivâ a finî i lavôrs e al screà il teatri gnûf “Giovanni da Udine”, che al jere stât blocât par agnorums. E no dome chel: di sindic, al screà ancje la prime edizion di “Friuli DOC”, si impegnà a costruî il museu di Cjase Cavazzini al à vût une part decisive par screâ ancje il Parc dal Cormôr. (A.I.) – 02.09.2026