Muart Luciano Locatelli, par 20 agns president di Latterie Friulane

da Alessandro Di Giusto

Al è muart inte sô cjase di Udin a 87 agns Luciano Locatelli, cognossût imprenditôr e za president par vincj agns di Latterie Friulane. Nassût intal 1936, proprietari de tignude Angoriis, cognossude realtât vinicule di Cormons, in passât impegnade ancje inte zootecnie di lat, al vignive di une famee di industriâi, za titulârs di aziendis tant che Ceramiche Scala, Delser, Eco e Rhoss. Lungje, però, e je stade la sô presidence de realtât plui grande dal lat e dai siei derivâts de regjon: dal 1987 al 2007 al à vuidât Latterie Friulane di Cjampfuarmit, puartantle di 37 a 82 milions di euros, fasintle jessi il prin produtôr di formadi Montasio Dop in regjon, cun 300 mil piecis, e fasintle deventâ la prime realtât dal setôr tal Nord Est. (a.d.g.) – 30.01.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui