Mobii antîcs de Fondazion Friuli ae Universitât

I mobii de storiche sale dal Consei di Aministrazion de Casse di Sparagn di Udin a àn cjapât une gnove vite intun lûc là che i zovins a son in prime linie. La Fondazion Friuli, erede dal patrimoni artistic da bancje, e à donât ae Universitât dal Friûl i mobii, fats tal principi dal vincjesim secul, doprâts tal edifici dal Monte di Pietà e plui tart tal cuartîr gjenerâl de istituzion in Vie Manin. Dongje des poltronis di piel, a son stadis prestadis ancje credincis e taulis elegants, fatis dal ebanist furlan Virginio Lodolo dal 1914 al 1915. La universitât e à decidût di doprâ i mobii te sô sede di Glemone a palaç Fantoni, ristruturât di pôc timp e deventât un riferiment culturâl de citât. (A.I.) – 10.03.2026