Di joibe ai 19 si vierç a Cividât la bilietarie centrâl de trentesime cuarte edizion dal Mittelfest, la rassegne di teatri, cine, danze e circ de Europe di Mieç. Pai spetacui a saran in vendite no dome i biliets a presit speciâl e scontât, ma ancje i abonaments par podê vivi la rassegne cemût che si vûl, in libertât: di bessôi, cui amîs, cu la famee. Daspò dai abonaments, di martars ai 24 in via Borgo di Ponte 1 e sarà vierte ancje la vendite dai biliets, simpri pussibil in rêt sul circui Vivaticket. Pai prins dusinte che a compraran un ingrès pal Mittelfest, il “progjet culture” al previôt un biliet a gratis pal Museu archeologjic di Cividât. I prins cuarante, invezit, a varan ancje un biliet par fruts par jentrâ tal gnûf Parc dai acrobats dal soreli. (A.I.) – 18.06.2025
Foto di L. Petersen
