Assegnâts domenie ai 25 di Setembar i premis dal 32m Concors mîls Citât di Pantianins, dedicât ai apicultôrs, convocât de Pro Loco fiti di Pantianins, in colaborazion cu la Arpa Fvg e il Consorzi Apicultôrs de Provincie di Udin cul intindiment di promovi e favorî il consum de mîl, intal ambit de 51me edizion de Mostre regjonâl dal miluç.
Lis miôr mîls a son stâdes sieltis tra i 150 campions rivâts di une setantine di aziendis di dute la regjon ripartîts intes categoriis agacie, tei, tei – cjastinâr, cjastinâr, millefiori e mîls particolârs.
Il prin premi assolût al è stât consegnât ae aziende agricule Fratelli Marzona di Enemonç pe mîl di agacie. Inte categorie “tei”, invezit, a vinci e je stade la aziende agricule Geremia Renzo e C. devant de aziende agricule Ranch. Inte sezion cjastinâr si è distinte la aziende Della Longa Mario e chê di Zanini Fabrizi. Inte sezion “tei – cjastinâr” al dispicje la produzion di Comuzzi Roberto devant di chê di Amadeo Stefano. (ADG) – 26.09.2022
Mîl e apicultôrs di premi a Pantianins
151
