Maurizio Fantin citadin dal an di Cjasarse

Il Citadin dal An 2022 di Cjasarse al è Maurizio Fantin, imprenditôr a cjâf de Marone Custom Cooking, imprese cun sede a Çopule specializade in cusinis su misure.
Dopo lis edizions anuladis par vie de emergjence sanitarie al è tornât di fat il Premi Citadin dal An: sabide ai 14 di Zenâr inte sale consiliâr dal municipi al è stât consegnât il ricognossiment che al va a un citadin che si è distint pal so impegn e al à puartât lustri al non de citadine. L’avigniment al è stât a organizât come simpri de Pro Loco Cjasarse e di Forum Democratico, lis dôs associazions che a àn dât vite al premi intal 1991, in condivision cu la Citât di Cjasarse.
“Un moment che si celebre la fuarce de nestre comunitât – al à sotlineât Antonio Tesolin president de Pro Loco e Pierluigi Rosa president di Forum democratico – e des ecelencis che cheste e sa esprimi intai varis cjamps professionâi, dal sport e dal volontariât: par chest lis ultimis edizions anuladis a son stadis une mancjance tant sintude”. (A.D.G.) – 18.01.2023