Marc di Murùs al scree il gnûf “Sociale”

Daspò dai lavôrs fats dentri de sale tai mês di Avrîl e di Mai, la Cineteche dal Friûl di Glemone e pues presentâ al public, miercus ai 25 dal cine “Sociale”, il cine documentari “Marcho – L’ultima bandiera” di Marco Fabbro, co prodot de ARlef e di Artevideo, zirât in vot lûcs diferents de regjon, che al conte la vite dal ultin puartebandiere dal Patriarcjât di Aquilee, Marc di Murùs, l’unic a fâi cuintri ae invasion di Vignesie: tal 1419 inte ultime grande bataie dal Patriarcjât di Aquilee a Butinins, là che ducj i nobii si rindin a Vignesie. Ma no Marc, che al sarà cjapât e menât tes presons dal cjistiel di Udin ai 13 di Març dal 1421 e po dopo copât in place, denant dal popul, “per far saver a tutti li castellani cos’avrebbe portà ribellione contra la Dominante”. (A.I.) – 24.06.2025