Manifestazion di proteste par difindi la residence sanitarie di Lavorêt

La Rsa (residence sanitarie assistude) di Lavorêt no va tocjade! Lu àn berghelât vuê di matine sindicâts, lavoradôrs e citadins dai comitâts, pluitost rabiâts e in pinsîr, par domandâ che no sedi sierade cheste struture cun 24 jets e 32 lavoradôrs, che la Asfo (Aziende sanitarie dal Friûl Ocidentâl) e à previodût di sierà ai 31 di Lui.

Il messaç bande dal diretôr de Asfo, Giuseppe Tonutti, e dal assessôr regjonâl ae Salût, Riccardo Riccardi al è che a tornin a pensâ parsore di cheste decision e che si fasi come tal câs di Sacîl, indulà che l’apalt al è stât prorogât par un an. Ae manifestazion a jerin presints ancje conseîrs comunâi e regjonâi di Centriçampe, pronts a da bataie. (a.d.g.) – 14.07.2025