Macday: il ricuart dal fonic Claudio Macoritto

Ancje chest an, cemût che al sucêt aromai dal 2015, la musiche regjonâl e memoree un amì, il fonic Claudio Macoritto, mancjât prin de ore intal 2014. Chest an il Macday, la zornade di fieste in so onôr, tra concierts, ricuarts e storiis, al è fissât par miercus ai 3 te sô citât, Sant Denêl, intal Tendon de Associazion “Due Pistoni”. Tra i ospits in program: Dodi e i Monodi, di gnûf insiemi dopo undis agns, Franz Merkalli e i Tellurika e K dal bunker. Come simpri, si spietin ancje amîs a sorprese – musiciscj e no – dal Mac. (A.I.) 01.08.2022