Lignan capitâl dai musiciscj di strade

Dai7 al 10 di Lui, Lignan al sarà il palc di tal viert pe prime edizion di “Musicisti di strada”, un festival di musiche nassût di une idee di Tam Tam Comunication, cul supuart dal Comun. La iniziative e je dedicade ai musiciscj e artiscj emergjents bogns di sunâ in maniere indipendent ator pes stradis, puartant la lôr musiche in maniere direte al public. Par trê dîs, lis stradis centrâls di Lignan si mudaran intun palc di sene tal viert in gracie dai musiciscj selezionâts che a sunaran in trê puescj: Piazza del Sole a Pinede, Piazza City e il Parc S. Giovanni Bosco. I protagoniscj dal event a rapresentin un panorame musicâl siôr e svariât, metint dongje artiscj emergjents e za afermâts. Il program dai concierts al previôt spetacui di martars sot sere, intant che miercus e joibe si sunarà ancje a buinore. La finâl e si davuelzarà vinars ai 10 te Arene Alpe Adria di Lignan, condusude di Emanuela Folliero e cul ospit speciâl Gabriele Cirilli. (A.I.) – 06.07.2026